МОЛЕКУЛАЛЫҚ ФИЗИКАНЫҢ ЛОГИКАЛЫҚ ЖҮЙЕСІ

Аңдатпа

Бұл мақалада «Молекулалық физика» бөлімінің құрылымын оқытудағы екі негізгі әдіс — индуктивті және дедуктивті тәсілдер қарастырылады. Индуктивті әдіс газ заңдарын эмпирикалық түрде енгізуді және молекулалық-кинетикалық теория негізінде түсіндіруді қамтиды, ал дедуктивті әдіс идеал газдың молекулалық-кинетикалық теориясын алғашқы сатыда зерттеуге бағытталған. Әр әдістің артықшылықтары мен кемшіліктері талқыланады: индуктивті әдіс оқушылардың түсінігін жеңілдетіп, физиканың даму жолдарымен таныстырады, ал дедуктивті әдіс абстрактілі ойлау қабілетін дамытуға ықпал етеді және ғылыми теорияларды тереңірек түсінуге мүмкіндік береді. Молекулалық физиканың оқу құрылымы таңдалған әдіске байланысты әртүрлі болуы мүмкін. Мақалада молекулалық-кинетикалық теорияның негізгі қағидалары мен термодинамика негіздерінің мектеп бағдарламасында оқытылу жолдарына назар аударылған.